पसायदान देवनागरी मध्ये
आतां विश्वात्मकें देवें ।
येणें वाग्यज्ञें तोषावें ।
तोषोनि मज द्यावें ।
पसायदान हें ॥ १ ॥
जे खळांची व्यंकटी सांडो ।
तयां सत्कर्मीं रती वाढो ।
भूतां परस्परें जडो।
मैत्र जीवांचें ॥ २ ॥
दुरिताचें तिमिर जावो ।
विश्व स्वधर्म सूर्यें पाहो ।
जो जें वांच्छील तो तें लाहो ।
प्राणिजात ॥ ३ ॥
वर्षत सकळमंगळीं ।
ईश्वर निष्ठांची मांदियाळी ।
अनवरत भूमंडळीं ।
भेटतु या भूतां ॥ ४ ॥
चलां कल्पतरूंचे आरव ।
चेतना चिंतामणीचें गांव ।
बोलते जे अर्णव ।
पीयूषाचे ॥ ५ ॥
चंद्रमे जे अलांछन ।
मार्तंड जे तापहीन ।
ते सर्वांही सदा सज्जन ।
सोयरे होतु ॥ ६ ॥
किंबहुना सर्वसुखीं ।
पूर्ण होऊनि तिहीं लोकीं ।
भजिजो आदिपुरुखीं ।
अखंडित ॥ ७ ॥
आणि ग्रंथोपजीविये ।
विशेषीं लोकीं इयें ।
दृष्टादृष्ट विजयें ।
होआवें जी ॥ ८ ॥
येथ म्हणे श्रीविश्वेश्वरावो ।
हा होईल दानपसावो ।
येणें वरें ज्ञानदेवो ।
सुखिया झाला ॥ ९ ॥
Pasayadan Lyrics in English
Ata vishvaatmake deve, yene vaagyadnye toshaave ।
Toshoni maj dyaave, pasaayadaan he ॥ 1 ॥
Je khalaanchi vynkati saando, taya satkarmi rati vaadho ।
Bhuta paraspare jado, maitr jiwaanche ॥ 2 ॥
Duritaache timir jaavo, vishv swadharmasurye paaho ।
Jo je waanchhil to te laaho praanijaat ॥ 3 ॥
varshat sakalamngali, ishwaranishthhaanchi maandiyaali ।
Anawarat bhumndali, bhetatu bhutaan ॥ 4 ॥
Chala kalpatarunche arav, chetanaa-chintaamaninche gaanv ।
Bolate je arnav, piyushaache ॥ 5 ॥
Chandrame je alaanchhana, maartnd je taapahina ।
Te sarwaanhi sada sajjan, soyare hotu ॥ 6 ॥
Kinbahuna sarwasukhi, purna houni tihinlokin ।
Bhaji jo adipurukhi, akhandit ॥ 7 ॥
Ani granthopajiviye, visheshi loki iye ।
Drishtaa-drishta-vijaye, ho aave ji ॥ 8 ॥
Yeth mhane shrivishvesharaavo, ha hoil daanapasaavo ।
Yene vare Dnyaanadevo sukhiya jhaala ॥ 9 ॥
Leave a Reply