श्री स्वामी समर्थांची आरती | Shri Swami Samarth Aarti in Devanagari

|| जयदेव जयदेव श्री स्वामी समर्थां
आरती ओवाळू चरणी ठेवूनिया माथा ||
जयदेव जयदेव ||ध्रु||

छेली खेडेग्रामी तू अवतरलासी|
जगदुध्दारासाठी राया तू फिरसी|
भक्त वत्सल खरा तू एक होसी|
म्हणूनी शरण आलो तुझिया चरणांसी ||१||

त्रैगुण परब्रम्ह तुझा अवतार|
याची काय वर्णू लीला पामर |
शेषादीक शिणले नलगे त्या पार |
तेथे जडमूढ कैसा करु विस्तार ||२||

देवाधिदेव तू स्वामीराया|
निर्जर मूनिजन ध्याती भावे तव पाया |
तुजसी अर्पण केली आपली ही काया|
शरणागता तारी तू स्वामीराया ||३||

अघटित लीला करुनी जडमूढ उध्दरीले|
किर्ती ऐकुनी कानी चरणी मी लोळे|
चरण प्रसाद मोठा मज हे अनुभवले|
तुझ्या सूता नलगे चरणावेगळे ||४||

अनंतकोटी ब्रम्हांडनायक राजाधिराज योगीराज
श्री सद्गुरू स्वामी समर्थ महाराज की जय ||