श्री विठोबाची आरती | Shri Vitthal Aarti Traditional Marathi • मंत्र नाद: Mantra Naad

युगें अठ्ठावीस विटेवरी उभा ।
वामांगी रखुमाई दिसे दिव्य शोभा ।
पुण्डलिकाचे भेटी परब्रह्म आलें गा ।
चरणी वाहे भीमा उद्धरी जगा ॥

जय देव जय देव जय पाण्डुरंगा ।
रखुमाईवल्लभा राहीच्या वल्लभा पावें जिवलगा ॥१॥

तुळसीमाळा गळां कर ठेवुनि कटीं ।
कांसे पीताम्बर कस्तुरि लल्लाटी ।
देव सुरवर नित्य येती भेटी ।
गरुड हनुमन्त पुढे उभे राहती ॥

जय देव जय देव जय पाण्डुरंगा ।
रखुमाईवल्लभा राहीच्या वल्लभा पावें जिवलगा ॥२॥

धन्य वेणुनाद अनुक्षेत्रपाळा ।
सुवर्णाची कमळे वनमाळा गळां ।
राही रखुमाबाई राणीया सकळा ।
ओवाळिती राजा विठोबा सांवळा ॥

जय देव जय देव जय पाण्डुरंगा ।
रखुमाईवल्लभा राहीच्या वल्लभा पावें जिवलगा ॥३॥

ओवाळूं आरत्या कुर्वण्ड्या येती ।
चंद्रभागेमध्ये सोडुनियां देती ।
दिंड्या पताका वैष्णव नाचती ।
पंढरीचा महिमा वर्णावा किती ॥

जय देव जय देव जय पाण्डुरंगा ।
रखुमाईवल्लभा राहीच्या वल्लभा पावें जिवलगा ॥४॥

आषाढी कार्तिकी भक्तजन येती ।
चंद्रभागेमध्ये स्नाने जे करिती ।
दर्शनहेळामात्रें तयां होय मुक्ती ।
केशवासी नामदेव भावे ओंवाळिती ॥

जय देव जय देव जय पाण्डुरंगा ।
रखुमाईवल्लभा राहीच्या वल्लभा पावें जिवलगा ॥५॥

Vitthal Aarti In English

Yuge Aththavis Vitevari Ubha
Vamangi Rakhumai Dise Divya Shobha
Pundalikache Bheti Parabrahma Ale Ga
Charani Vahe Bhima Uddhari Jaga